Që është pseudonim, kjo vetëshquhet tek “Eldri Buli”, por përse të mos përdorej emri i vërtetë?

Ja ku është problemi: Kur gjuha shqipe është zhdukur nga kishat shqiptaro-amerikane, kur peshkopi i këtyre kishave, domethënë pasardhësi i Nolit, nuk flet asnjë fjalë shqip (as ka studiuar për teologji e priftëri), kur këto kisha administrohen privatisht nga një fis të shfisurish, a nuk është banal ky përvjetor?

Është qesharake të bëjë festë për meshën e parë shqipe ai që s’di ta thotë atë, vetë peshkopi, pra. Shkoi në Tiranë dhe u prezantua nga Janullatosi në kishë shqip, dhe ky ia ktheu anglisht. Tanimë vjen vetë Janullatosi në SHën Gjergj të flasë prapë shqip, që ky të mos ia kthejë dot shqip, në vetë fronin e Nolit.

Banale dhe komike njëherësh!

Shqiptarët do ta nderojnë Nolin dhe gjuhën shqipe jo kur të bëjnë demonstrata kundër Janullatoist, por kur të ndalin mbështetjen politike dhe, sidomos, ekonomike ndaj fisit të Liolinëve, sepse janë pikërisht këta që na kanë zaptuar kishat dhe i përdorin vetëm për interesat e tyre.

Së pari, se çfarë bëri Noli për Kishën Ortodokse mund të lexoni në tri trajtesat e para në këtë blog (1.1, 1.2 & 1.3), ku bëhet një hyrje në botimet kishtare të Nolit, një punë që edhe sot mbas një shekulli nuk është qasur nga dikush tjetër, a jo më të jetë kapërcyer, edhe pse duhej.

Së dyti, Noli nuk ishte Perëndi që të ndërtonte katër kulte me njërën dorë, e pesë me tjetrën, sepse ato i bënë shqiptarët ortodoksë. Të gjitha kishat shqiptare në Amerikë dhe në Shqipëri janë pasojë e atyre sakrificave, privimeve, kursimeve, donacioneve të shqiptarëve. Pastaj kemi ardhjen e një misioni politik në Shqipëri, ku përmbyset praktika kishtare dhe tempujt ndërtohen nga një shtet fqinj, ndërsa sendet ortodokse cungohen; për të balancuar misionin. Apo është bash këtu ku e kishit fjalën?

Së treti, Noli nuk ka trashëgimtarë, sepse nuk krijoi familje. Të afërmit e tij në Greqi, domethënë stërnipët e stërmbesat nga motrat dhe vëllai i tij, sigurisht do të jenë grekë, ose çfarë të duan të ndihen, siç janë italianë arbëreshët në Itali e siç janë turq shqiptarët në Turqi, e kështu me radhë. Edhe Noli mund të ishte grek, sepse atëherë nuk ekzistonin kombësitë, por ai përzgjodhi shqiptarinë, madje duke na e shtuar, prandaj dhe e kremtojmë sot.

Shresoj qe shume shpejte, ashtu si festuam pavaresine e Kosove, te festojme edhe pavaresine e institucioneve tona fetare e ne menyre te vecante Kishes Autoqefale Shqiptare.